Opprette og arbeide med tekst

Opprette tekst i ein app

  1. Opne Dragon Professional Anywhere.
  2. Plasser markøren i appen der du vil at teksten skal skrivast inn.
  3. Vel mikrofonikonet mikrofonikon eller trykk på plussteiknet på det numeriske tastaturet, og start å snakke.

Dersom du har plassert markøren i eit tekstfelt som Dragon Professional Anywhere støttar fullt ut, blir teksten skriven inn her, og alt av funksjonalitet knytt til diktering av tekst og redigering av tekst via stemma er tilgjengeleg (full tekstkontroll).

Dersom du har plassert markøren i eit tekstfelt som er ukjent for Dragon Professional Anywhere, er desse alternativa tilgjengelege:

  • Dikteringsboksen blir opna, og teksten blir skriven inn her. Og alt av funksjonalitet knytt til diktering av tekst og redigering av tekst via stemma er tilgjengeleg. Når du er ferdig, vel du overføringsikonet overføringsikon eller seier overfør tekst. Teksten blir då flytt til der du opphavleg plasserte markøren, og sletta frå dikteringsboksen.
  • Du dikterer i tekstfeltet, ved hjelp av grunnleggjande tekstkontroll. Det vil seie at berre grunnleggjande funksjonalitet for taleattkjenning er støtta, og du kan ikkje navigere i, redigere eller formatere teksten ved hjelp av stemma. Mikrofonikonet med informasjonsmerket mikrofonikon med informasjonsmerke indikerer at du bruker grunnleggjande tekstkontroll. Dersom du vil kunne bruke full funksjonalitet for taleattkjenning, seier du opne dikteringsboksen.

Dikteringsboksen blir som standard brukt. Dersom du føretrekkjer å diktere direkte i tekstfeltet, opnar du ruta Tekstinndata i dialogboksen Alternativ, går til delen Kva skjer når markøren er plassert i eit ukjent tekstfelt? og vel Bruk grunnleggjande tekstkontroll. Når du bruker grunnleggjande tekstkontroll, må du kontrollere at du har plassert markøren i eit tekstfelt før du startar å ta opp, og stoppe å ta opp før du flyttar fokuset bort frå tekstfeltet. Elles mistar du tekst.

Merk: Dersom administratoren har konfigurert innstillingar som gjeld for heile systemet når det gjeld bruken av grunnleggjande tekstkontroll, kan det hende innstillingane dine ikkje vil gjelde i alle tekstfelt. Dersom du vil ha meir informasjon, kan du kontakte administratoren din.

Tips

  • Hald eit auge med volumindikatoren rundt mikrofonikonet: Når han blinkar i grønt, registrerer systemet stemma di. Når han blinkar raudt, er volumet for høgt, eller det er for mykje bakgrunnsstøy. Prøv å snakke lågare, halde mikrofonen lenger unna deg eller forflytte deg til eit stillare miljø. Dersom indikatoren ikkje blinkar, kan du prøve å snakke litt høgare eller halde mikrofonen nærmare munnen.
  • Når framdriftsindikatoren snurrar rundt mikrofonikonet, tyder det at systemet administrerer talen din.

Merk: Når arbeidsstasjonen din blir låst, stansar opptak, og det skjer ingenting om du trykkjer på ein mikrofonknapp.

Tips om å arbeide med dikteringsboksen

  • Dersom du vil kalle tilbake tekst frå appen til dikteringsboksen, vel du tilbakekallingsikonet tilbakekallingsikon eller seier kall tilbake tekst. Teksten blir flytta tilbake til dikteringsboksen, der han erstattar eventuell tekst som er skriven i mellomtida. Den tilbakekalla teksten blir ikkje sletta frå appen.
  • Dersom du ønskjer å arbeide i dikteringsboksen utan å sjå teksten som blir skriven der, seier du skjul dikteringsboksen. Du kan vise han att ved å seie vis dikteringsboksen. Alternativt kan du vise eller skjule dikteringsboksen via ein hurtigtast eller mikrofonknapp, eller ved å velje menyikonet menyikon > Vis/skjul dikteringsboksen.
  • Dersom du vil fjerne all tekst frå dikteringsboksen, vel du fjerneikonet fjerneikon.
  • Du kan endre storleiken på dikteringsboksen ved å dra i hjørna.
  • Aktiver formatering i dikteringsboksen for å kunne formatere teksten i dikteringsboksen.
  • Konfigurer verkemåten til dikteringsboksen i ruta Tekstinndata i dialogboksen Alternativ.
  • Du kan òg redigere tekst i dikteringsboksen som er skriven i ein app som ikkje er støtta fullt ut.

Forankre talefokus

Når du forankrar talefokuset til appen, kan du opne og navigere gjennom andre appar utan å fjerne talefokuset frå appen. Dette inneber at attkjenningsresultata blir skrivne inn i den forankra appen, sjølv om du går over til ein annan app mens du dikterer. Du kan berre forankre talefokuset til appar som Dragon Professional Anywhere støttar fullt ut.

Slik forankrar du talefokuset:

  1. Opne både Dragon Professional Anywhere og appen du vil diktere i.
  2. Plasser markøren der du vil at teksten skal skrivast, og sei forankre diktat eller trykk på CTRL + ALT + A. Mikrofonikonet mikrofonikon endrar seg til mikrofonikonet med hengelåsmerke mikrofonikon med hengelåsmerke.
  3. Opne ein eventuell annan app du treng for analyse eller referanse.
  4. Vel mikrofonikonet med hengelåsmerket mikrofonikon med hengelåsmerke, og start å snakke. Alt du seier, blir skrive inn i appen.

Du kan frigjere talefokuset frå appen igjen ved å lukke han eller seie frigjer diktat.

Tips

  • Du kan konfigurere talefokuset til å bli forankra automatisk via dialogboksen Alternativ.

  • Du kan når som helst endre kva app som har talefokuset forankra til seg. Når du forankrar talefokuset til ein annan app, blir talefokuset automatisk frigjort frå appen det tidlegare var forankra til.

  • Dersom talefokuset er forankra til ein app og du opnar dikteringsboksen, blir talefokuset frigjort frå den appen. Dersom dikteringsboksen er open når du forankrar talefokuset til ein app, blir dikteringsboksen lukka.

Redigere tekst

Du kan bruke tastaturet og musa til å redigere teksten som systemet kjenner att:

  • Skrive inn ny tekst for å korrigere tekst som er kjend att feil.
  • Plasser markøren ein eller annan plass i teksten, og ta deretter opp for å setje inn ny tekst.
  • Merk tekst og ta deretter opp for å skrive over eksisterande tekst med ny tekst.

Du kan òg redigere teksten via talekommandoar (for eksempel ved å seie stryk det).

Merk: Dersom du bruker grunnleggjande tekstkontroll til å diktere, er det ikkje støtte for redigering av teksten via stemma. Dersom du merkjer attkjend tekst manuelt eller plasserer markøren ein plass i teksten og tek opp, kan det hende at små/store bokstavar og mellomrom ikkje blir rett, ettersom Dragon Professional Anywhere ikkje kan sjå den omkringliggjande teksten.

Når du arbeider i ein app som Dragon Professional Anywhere støttar fullt ut, kan du redigere og korrigere direkte i den appen. Dersom du arbeider i dikteringsboksen, tilrår vi at du redigerer og korrigerer teksten der og først overfører teksten til appen når han er endeleg. På den måten kan systemet lære av korrigeringane dine.

Redigere tekst skriven i ein app som ikkje er støtta fullt ut

Når du arbeider i ein app som Dragon Professional Anywhere ikkje støttar fullt ut, kan du leggje til eksisterande tekst du vil redigere, i dikteringsboksen og redigere han der.

Gjer slik:

  1. I ruta Tekstinndata i dialogboksen Alternativ vel du Legg til den merkte teksten frå målappen i dikteringsboksen > Bruk alle. Opne appen, og merk teksten du vil redigere.
  2. Opne Dragon Professional Anywhere, og utvid dikteringsboksen. Teksten du merkte, blir vist i dikteringsboksen.
  3. Plasser markøren der du vil at den nye teksten skal leggjast til, mikrofonikonet mikrofonikon eller trykk på plussteiknet på det numeriske tastaturet, og start å snakke.
  4. Rediger teksten om nødvendig, og når du er ferdig, vel du overføringsikonet overføringsikon eller seier overfør teksten. Teksten blir overført til appen og sletta frå dikteringsboksen.